fazlullah hurufi
-
lîmaallah’ın makamı vech-i fazlullah imiş
limenilmülkün lisânı nutk-i fazlullah imiş
kâf ü nûnun nâtıkı hem kâinatın hâliki
küntü kenz’in âşık u ma’şûku fazlullah imiş
kuvvet-i savt u kelâmin mebdei vü menşei
lâmekân’ın gencinin sâhibi fazlullah imiş
âlem-i zât ü sıfattan ayni vü mâhiyyeti
hem münezzeh cümlesinden zât-ı fazlullah imiş
gösteren esmâ-i hüsnâ öğreten esmâ-i kül
söyleyen tâhâ vü yâsin yâ’ni fazlullah imiş
sâhib-i tenzil ü te’vil ü kitab-ı âsman
ol kelâmullah-ı nâtık yâ’ni fazlullah imiş
enbiyâ vü evliyânın ma’budu hem maksûdu
âdem ü havvâ’ya mazhar hüsn-i fazlullah imiş
leyletülesrâ’da ahmed gördüğü vech-i ilâh
sûret-i şâbin katat ya’ni ki fazlullah imiş
nüh felek ü çerh ile seyr eyleyen şems ü kamer
beyt-i ma’mûrun esâsı sakfı, fazlullah imiş
ism olan bilkuvve vü bilfi’l fâ vü dâd ü lâm
ey yemînî her irenin nâmı fazlullah imiş
ekşi sözlük kullanıcılarıyla mesajlaşmak ve yazdıkları entry'leri
takip etmek için giriş yapmalısın.
hesabın var mı? giriş yap